Брера го победи Вардар со 3-1 во последниот меч од првото коло во новата сезона од Првата фудбалска лига. Струмичкиот тим покажа дека во моментов е подобро подготвен од „црвено-црните“ и заслужено славеше победа. Двоен стрелец за Брера беше Ѓорѓе Ивковиќ.
Српскиот интернационалец уште во третата минута го отвори резултатот, но Вардар успеа да израмни преку Закариќ во 29.минута.
Ивковиќ во 53.минута зголеми на 2-1, потоа ја погоди и гредата од противничкиот гол, а триумфот го потврди Осаосебикан во финишот на дуелот.
