Раководството на ФК Вардар преку соопштение до јавноста информираше за безбедносните мерки што ќе бидат преземени за време на утрешниот натпревар од Купот на Македонија против Шкендија. Мечот е прогласен за дуел од висок ризик, па на трибините на Националната Арена „Тодор Проески“ ќе нема место за гостинските навивачи.
„Фудбалскиот клуб Вардар ви соопштува неколку информации поврзани со утрешниот натпревар од 1/8 финалето од Купот на Македонија со Шкендија, кој ќе се игра на Националната Арена „Тодор Проески“. Натпреварот е прогласен за меч од висок ризик, и од тука нема да биде дозволено присуство на гостински симпатизери. За овој меч ќе бидат отворени само јужната и западната трибина, додека источната ќе биде затворена, а на северната ќе присуствуваат само службените лица.
Билети ќе се купуваат на билетарницата на Националната Арена, и за секој купен билет, ќе мора да биде приложен документ за идентификација. ФК Вардар уште еднаш апелира на сите кои ќе дојдат на стадионот за фер и коректно навивање, без извици на национализам и расизам, и без фрлања на предмети на теренот. Дајте му поддршка на нашиот тим да стигне до добар резултат од ова дерби, и да ја продолжи победничката серија и во Купот“ – се вели во соопштението на ФК Вардар.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski