Вардар после само шест месеци се раздели со Кореецот Ким

Сеук Гун Ким во иднина нема да биде дел од Вардар, објави клубот. „Црвено-црните“ се разделуваат со корејскиот фудбалер само шест месеци по неговото пристигнување на почетокот на оваа сезона.

Ким не успеа да остави значаен впечаток во дресот на Вардар. Настапи на само шест натпревари, а на последните натпревари не беше ниту во конкуренција за составот.

Ова е првиот играч кој го напушта клубот оваа зима, додека Вардар претходно се засили со Пинтер, Јанкулов, Маневски, Цикарски и со Тодоровски.