Вардар Неготино по пенал-драма во Втора лига, заедно со Тетекс и со Башкими

Вардар Неготино по голема драма и изведување пенали успеа да се врати во Втората лига, откако со 4-3 по ударите од белата точка го совлади Новаци. Играчите на поразениот тим не ги реализираа последните три пенали, а Новаци имаше водство од 1-0 сѐ до 89.минута, кога Вардар Неготино израмни на 1-1 и го одведе баражот на пенали.

Тетекс беше убедлив и го победи Осогово со 6-1, додека Башкими славеше против Влазрими со 3-0.

Вардар Неготино, Тетекс и Башкими се екипите кои влегуваат во Втората лига од следната сезона. Но, ќе има две „среќни екипи“ и од поразените, кои со ждрепка ќе обезбедат второлигашки статус.