Најтрофејниот македонски клуб Вардар не смета на капитенот Дарко Мицевски за вториот дел од сезоната. Тој ќе замине на позајмица во друг клуб, објави Вардар.
„Денеска во просториите на клубот, АД ФК Вардар и фудбалерот Дарко Мицевски се договорија играчот да не биде дел од ростерот на ФК Вардар, и истиот ќе замине на позајмица во друг клуб“, соопшти Вардар.
Оваа зима Вардар направи значителна промена на ростерот, доведе неколку сериозни засилувања, а Дарко Мицевски е десетттиот фудбалер кој ќе замине од „црвено-црните“ редови.
