Поранешниот капитен на младата фудбалска репрезентација, Димитар Тодоровски, се приклучи на Вардар како ново засилување. Раководството на најтрофејниот клуб сериозно тргна во реновирање на тимот, а по потписите на Михал Пинтер, Ѓорѓије Јанкулов, Михаил Маневски и Мите Цикарски, сега склучи договор и со Димитар Тодоровски.
Со неговото пристигнување, Вардар добива значајно засилување во средниот ред, што ќе биде од голема помош за тренерот Гоце Седлоски.
Тодоровски ја почна кариерата во Работнички, каде го разви својот фудбалски потенцијал, а во последните шест месеци играше за Брера.
