Вардар го доведе Ване Јованов

Најтрофејниот македонски клуб Вардар ангажира уште едно квалитетно засилување за вториот дел од сезоната во Втората лига Запад. Раководството на клубот се договори за соработка со Ване Јованов кој доаѓа од редовите на Академија Пандев.

Тој треба да ја засили конкуренцијата на десната бековска позиција и во средниот ред. Претходно, Вардар ги ангажираше и Филип Гачевски и Дарко Мицевски како екстра засилувања за тимот на Никола Глигоров.