Трансферот на дефанзивецот Самуел Умтити од Барселона во Рен нема да се оствари, бидејќи играчот не ги поминал медицинските тестови, пренесува каталонскиот „Спорт“. Според непотврдени информации, проблемот се појавил при тестови за срцевите функции, кои не го задоволиле докторот на Рен.
Бидејќи на „црвено-црните“ од Бретања итно им е потребен централен дефанзивец, вечерва почнаа преговорите со Бразилецот Морато од Бенфика.
Во оваа ситуација Барселона треба да бара друга дестинација за францускиот дефанзивец, но пред тоа мора да се погрижи играчот да биде во добра здравствена состојба.
