Три дена по крајот на Европското првенство, УЕФА ја искористи можноста да ја пофали ефикасноста на ВАР системот на овој турнир, истовремено посочувајќи дека имало пенал над Рахим Стерлинг во полуфиналниот дуел помеѓу Англија и Данска.
ВАР беше искористен 18 пати на 51 натпревар на континенталниот шампионат и, според извештајот од Нион, бил 100% успешен, додека само малку помалку (93,5%) судиите биле точни во своите одлуки.
Сето ова ќе поминеше незабележано доколку порака не стигнеше од Нион и за оправдано досуден пенал над Стерлинг во продолжението на полуфиналниот натпревар помеѓу Англија и Данска. Со ова сигурно нема да се согласи поголемиот дел од фудбалскиот свет. Но, УЕФА го мисли спротивното.
