Европската фудбалска оранизација (УЕФА) објави дека нема да ги казни трите клуба кои останаа со идејата за основање на европската Супер лига. Иако најави големи санкции, вклучително и суспендирање на клубовите со идеја за Суперлига од нивните натпреварувања, УЕФА се премисли и ги отфрли сите обвинувања против трите преостанати клубови кои се уште веруваат во овој проект. Ова се однесува на Јувентус, Реал Мадрид и Барселона.
Овие три тима се уште се поддржувачи на Суперлигата со желба да излезат од финансиските проблеми, пред се Реал и Барселона, чии долгови се мерат во милијарди евра.
„По прекинот на постапката против Барселона, Реал Мадрид и Јувентус во врска со прекршување на правната рамка на УЕФА со Супер лигата, Апелациското тело на УЕФА денеска го прогласи случајот за ништовен и неважечки, како постапката никогаш да не била отворена“, се вели во соопштението на УЕФА.
