Европската фудбалска организација го подготвува планот за организација на Европското првенство со делумно присуство на публика на стадионите. УЕФА во корелација со градовите организатори на натпреварите, вкупно 12, ги разгледува можностите во колкав капацитет би можеле фановите да присуствуваат на трибините.
Романија даде согласност дека пандемијата на коронавирусот би можела да биде контролирана и доколку на натпреварите бидат исполнети трибините на стадионот во Букурешт со 25% од капацитетот. Тоа значи дека на првите два меча, против селекциите на Австрија и на Украина, фудбалската репрезентација на Македонија ќе настапи пред околу 13.000 гледачи на Националната арена во Букурешт.
Во Амстердам, каде Македонија ќе го игра третиот меч од ЕВРО против Холандија, можно е да биде дозволен и 40% од капацитетот. Најголеми проблеми за УЕФА во моментот се три града, Билбао, Глазгов и Даблин.
Здравствените власти во Шпанија, Шкотска и во Република Ирска се уште не можат да гарантираат присуство на публика на стадионите за време на Европското првенство. Тоа би било погубно за УЕФА, па иако ќе се чека до последен момент, сепак, можно е овие три града и да го загубат домаќинството на мечевите од Европското првенство.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal