Раководството на италијанскиот првак Наполи сè уште е во преговори со Манчестер Јунајтед за Расмус Хојлунд. Се обидуваат да постигнат договор за позајмица, која Наполи би ја платил пет милиони евра, со клаузула за можност за откуп во вредност од 40 милиони евра. Тој треба да биде замената за Ромелу Лукаку, кој поради повреда нема да игра најмалку три месеци.
Јунајтед веќе дал зелено светло за заминување на Данецот, а на Хојлунд останува одлуката дали ќе се пресели во Италија.
За Хојлунд се интересира и Милан, но „росонерите“ не можат да му понудат настап во Лигата на шампионите, што може да има клучна улога во одлуката на напаѓачот.
