УЕФА го казни Порто поради непочитување на правилата за финансиски фер-плеј на УЕФА во периодот од октомври 2023 до јануари 2024 година.
Санкцијата доаѓа во позадина на извештајот на клубот по првата полусезона, кој покажува добивка од 35 милиони евра.
„Змејовите“ ќе мора да платат казна од 2 милиони евра, бидејќи во спротивно ќе бидат исклучени од натпреварувањата под капата на УЕФА, објави португалското издание „Рекорд“.
Како резултат на прекршокот на Порто, клубот ќе биде внимателно следен од Телото на УЕФА за финансиска контрола на клубовите (OCFC) во следните три години.
