Европската фудбалска федерација (УЕФА) ги повика Кристијан Ериксен и лекарите кои му го спасија животот кога доживеа срцев удар за време на мечот меѓу Данска и Финска во првото коло на Европското првенство.
Ериксен колабираше кон крајот на првото полувреме од мечот, по што лекарите успеаја да го оживеат. За среќа, успеаја да го спасат. Подоцна, данскиот репрезентативец беше опериран при што му беше вграден дефибрилатор.
УЕФА соопшти дека упатила покана до Ериксен, неговата партнерка и шестмина лекари за последниот натпревар од ЕВРО, кој ќе се игра на „Вембли“ на 11 јули, но засега нема потврда дали Ериксен ќе биде присутен.
„Возбуден сум како дете на Божиќ. Горд сум на мојот придонес, како и на придонесот на целиот тим“, изјави еден од лекарите, Педер Ерсгард.
Данска се бори за финале, утревечер од 21 часот ќе игра во полуфиналето против Англија. Во првата полуфинална двојка, вечерва ќе се сретнат Италија и Шпанија во 21 часот.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski