Поранешниот менаџер на Челси, Томас Тухел, ја одбил првата понуда што ја добил да се врати на тренерската работа само неколку недели откако доби отказ од премиерлигашот. Таа дојде од германскиот бундеслигаш Баер Леверкузен, но Германецот ја одби бидејќи сака да работи на повисоко ниво.
„Фармацевтите“ многу лошо ја започнаа сезоната и моментно го заземаат претпоследното 17. место во Бундес – лигата со само пет бода, а во Лигата на шампионите забележаа два последовни порази во групната фаза.
Од своја страна, Тухел доби отказ од Челси и поради слабиот почеток на сезоната и конфликтот на Германецот со новиот сопственик на клубот, Тод Боели.
