Српскиот првак Црвена Звезда обезбеди големо засилување за настапот во квалификациите за Лигата на шампионите. Фудбалерот на Баер Леверкузен, Александар Драговиќ, ќе потпише тригодишен договор со „црвено-белите“.
Драговиќ денеска или утре ќе ги мине лекарските прегледи, по што ќе потпише договор. Искусниот стопер ќе заработува 600.000 евра годишно, а одби многу попрофитабилни понуди со цел да дојде во клубот за кој навива од детството.
Покрај Баер Леверкузен, дефанзивецот во текот на кариерата играше за Австрија Виена, Базел, Лестер и за Динамо Киев.
