Шкендија ќе продолжи со подготовките според планираното откако најновото тестирање на Covid-19 покажало дека сите членови на тетовскиот клуб се негативни на коронавирус. Шкендија беше еден од тимовите што заедно со Ренова меѓу првите имаше позитивни случаи на коронавирус во макфудбалот, но ситуацијата во таборот на тетовци во меѓувреме се стабилизираше.
„Целиот тим на Шкендија беше тестиран на коронавирус. За среќа, резултатите се негативни, така што во комплетен состав ќе продолжиме со активностите предвидени за претстојниот период“, објавија од раководството на ФК Шкендија.
Тетовци веќе го откажаа првиот контролен натпревар против Вардар Форино, а во наредниот период треба да одиграат четири контролни средби, против Гостивар, Македонија ЃП, Работнички и Брегалница.
