Монако го доживеа вториот пораз во новата сезона во Франција откако на домашен терен загуби од Троја со 2-4. Марипан донесе предност за „кнезовите“, но пред крајот на првиот дел беше исклучен. Тардие и Одобер направија пресврт, а Балде на почетокот на вториот дел зголеми на 1-3.
Мала надеж за Монако даде Фофана, но Салмие го потврди триумфот на Троја.
Лион беше сигурен против Оксер и славеше со 2-1. Тете и Токо Екамби беа стрелци на головите за Лион, а за гостите погоди Аутре.
Реимс оствари гостинска победа (2-4) против Анже, а Монпелје на домашен терен го совлада Ајачио.
