Ливерпул го следи во чекор Манчестер Сити. Тимот на Јирген Клоп го совлада Евертон во градското дерби и повторно е само на бод негатива во однос на ривалот за шампионската титула во Премиер – лигата.
Френк Лампард се обиде со затворена варијанта, издржа еден час, но бункерот на Евертон го проби Енди Робертсон во 62.минута. По ова, Евертон малку се отвори, а тоа го искористи Дивок Ориги за втор гол во мрежата на Џордан Пикфорд.
Евертон е во опасната зона на табелата и до крајот ќе се бори за опстанок во елитата.
