Академија Пандев со победа над Борец ја отвори серијата тестови во текот на зимските подготовки. Новиот тренер Александар Васоски дебитираше со триумф од 2-1 над Борец, а стрелци на головите беа Крстовски и Радевски. Единствениот погодок за Борец го постигна Мишов во второто полувреме.
Ренова исто така успешно стартуваше во подготвителниот период. Тимот на Ќатип Османи славеше со 0-4 против второлигашот Дрита. Шефити и Ебиби постигнаа по два гола за „гипсарите“ на оваа тест – средба.
