Тренерот на Брест, Мишел Дер Закаријан, изјави дека чувствува „ерекција“ од помислата Лионел Меси да потпише за Пари Сен Жермен и да игра во Лига 1.
Брест ремизираше 1-1 на гостувањето кај Лион во првото коло, а по натпреварот Дер Закаријан беше запрашан за се поизвесното доаѓање на Меси во ПСЖ.
„Тоа би било извонредно. Нема да бидам културен во овој случај, добивам ерекција од помислата дека доаѓа Меси. Сите дека лигата е ср*ње, но ако донесеме таков играч, тоа би било извонредно”, изјави тренерот на Брест.
Меси во четвртокот дозна дека не може да го продолжи договорот со Барселона, а денеска напладне ќе и се обрати на јавноста на „Камп Ноу“.
