Трајковски нема да игра, а Елиф Елмас неизвесен за Гибралтар

Фудбалската репрезентација на Македонија нема да биде во комплетен состав на утрешниот меч против Гибралтар. Нема да настапат неколку првотимци.

“Александар Трајковски нема да настапи поради повреда, а неизвесен е и Елиф Елмас. Има и неколку фудбалери со настинка, па ќе почекаме до утре за да видиме кој ќе настапи. Сигурно дека ќе добие одредена минутажа и Валон Етеми”, изјави селекторот Благоја Милевски.