Фудбалската репрезентација на Македонија има уште два последни испити во ноемвриската сесија, да го потврди тоа што одлично резултатски го направи претходниот мини – циклус и да се обиде да оствари две победи, против Летонија и против Фарски Острови пред домашната публика во Скопје.
По подолг период Александар Трајковски е повторно во националниот тим, со оглед дека ги надмина повредите.
„Убаво е да се има низа на победи без примен гол. Тоа докажува дека имаме квалитет, и не само да победуваме туку и да го браниме резултатот. Се надевам дека и во овие два натпревари ќе го покажеме истото. Мислам дека ова се најважните натпревари. Верувам во нашата екипа, мора позитивно да мислиме и да го дадеме максимумот. Квалитетот не е спорен, ние веруваме во нашите способности. Но, тоа треба да го покажеме на терен. Нема подобра можност да го завршиме овој циклус со две победи пред домашната публика и да се пласираме во плејофот“, изјави Александар Трајковски.
Македонија в четврток од 20.45 часот ја пречекува Летонија, а три дена подоцна ќе ни гостува и Фарски Острови.
