Менаџерот на Тотенхем, Анге Постекоглу, ќе остане на својата позиција и покрај уште еден слаб резултат на тимот – поразот од 1-2 против Лестер во неделата. Овој пораз е шести за Тотенхем во последните седум натпревари во Премиер – лигата, што ги спушти на разочарувачко 15. место на табелата.
Иако трпението на навивачите е речиси целосно исцрпено, претседателот на клубот, Даниел Леви, сè уште покажува доверба во Постекоглу.
Распоредот за Тотенхем, сепак, не ветува многу оптимизам. Во четврток тимот ќе се соочи со Елфсборг во Лига Европа, а потоа следуваат три тешки гостувања во рок од една недела – против Брентфорд во Премиер – лигата, против Ливерпул во Лига купот и против Астон Вила во ФА купот на Англија.
Постекоглу, пак, реагираше емотивно на критиките од навивачите по неделниот натпревар. Видео снимки покажуваат како тој одговара со лутина на изјави дека тимот со него на чело ќе испадне од лигата.
