Англискиот премиерлигаш Тотенхем нема намера да го продаде својот водечки стрелец и напаѓач на англиската репрезентација Хари Кејн. Иако во медиумите често се шпекулира дека најголемите европски клубови се заинтересирани за него, а најблиску е до трансфер во Манчестер Сити кој е подготвен да плати 150 милиони евра, сепак, раководдството на клубот не размислува за негова продажба.
Новиот спортски директор Фабио Паратичи вели дека останувањето на Хари Кејн во клубот не е само негова мисија, туку и клупска цел и максимално ќе се заложи да биде реализирана. Дополнително, Тотенхем ќе биде активен на трансфер пазарот за да обезбеди неколку засилувања според желбите на новиот менаџер Нуно Еспирито Санто.
