Тотенхем ќе направи се што е во нивна моќ да го задржи менаџерот Антонио Конте. Актуелниот договор на тренерот истекува на лето, а клубот изрази желба да го задржи стратегот. За таа цел, газдите се подготвени да го одврзат ќесето и да му понудат солидна награда, открива „Football Insider“.
Конте моментално заработува околу 200.000 фунти неделно. Сепак, Тотенхем е подготвен да ги удвои неговите примања на 400.000 фунти неделно. Тоа е речиси 20 милиони фунти по сезона.
На „Тотенхем Стадион“ се исклучително задоволни од Конте и неговата досегашна работа. Тој го презеде тимот во ноември 2021 година и минатата сезона го предводеше тимот до топ 4 и учество во Лигата на шампионите.
