Тотенхем и официјално го објави трансферот на Гиљермо Викарио од Емполи, кој ќе биде новиот голман на лондончани. Договорот на Италијанецот е на пет години, а Тотенхем на италијанскиот клуб ќе му исплатат 20 милиони евра, плус бонуси.
Платата на 26-годишниот чувар ќе биде во износ од 2,5 милиони по сезона. Тој ќе брани во Тотенхем во дресот со број „13“.
Викарио минатата сезона одигра 32 натпревари за Емполи и прими вкупно 41 гол. Добрите настапи му донесе и прв повик во репрезентацијата на Италија.
Актуелниот голман на Тотенхем, Хуго Лорис, има уште една година под договор, но неодамна откри дека најверојатно ќе замине ова лето по 11 години во тимот од Лондон.
