Фудбалерот од средниот ред на Реал Мадрид, Тони Крос, ќе остане во клубот најмалку уште една година. „Кралскиот клуб“ веќе го подготви неговиот нов договор, а тој ќе го потпише во наредниот период, до крајот на сезоната.
На Германецот му истекува договорот ова лето и продолжува да игра на одлично ниво, има 38 настапи сезонава, еден гол и седум асистенции во сите натпреварувања.
Одличниот играч за врска се врати во репрезентацијата на Германија, каде импресионираше со настапите на контролите со Франција и со Холандија.
Крос е вистинска легенда за Реал Мадрид од неговиот трансфер од Баерн Минхен во 2014 година, освојувајќи мноштво трофеи со клубот – четири пехари во Лигата на шампионите, три пехари во Ла Лига, три европски Суперкупа, Куп на Кралот и пет светски клупски првенства. За клубот досега има вкупно 455 настапи, 28 гола и 96 асистенции.
Крос стана светски шампион со Германија во 2014 година.
