Томче Гроздановски замина од Работнички, Суад Сахити се раздели со Шкупи, а Алмир Реџепи со Шкендија

Фудбалерот за врска Томче Гроздановски веќе не е играч на Работнички. Тој во текот на денешниот ден спогодбено го раскина договорот со „романтичарите“ и кариерата ќе ја продолжи во друг клуб.

Работнички му се заблагодари и му посака сѐ најдобро во кариерата.

Суад Сахити си замина од Чаир и се раздели со Шкупи. Тој се враќа на Косово каде ќе игра за Фероникели.

Замина играч и од Шкендија. Тоа е левиот бек Алмир Реџепи, кој во потрага по поголема минутажа ќе замине во друг клуб.