Раководството на Баерн Минхен постигна договор со Томас Милер за нов договор, открива „Билд“. 34-годишниот фудбалер ќе го продолжи договорот за една година.
Актуелниот договор меѓу двете страни истекува на крајот од сезоната.
Челниците на баварскиот клуб и Томас Милер комплетно се договориле, а останува само да се потпише договорот.
Томас Милер е играч од академијата на Баерн и во текот на кариерата играше само за германскиот шампион. За Баварците одигра 684 натпревари, постигна 237 голови и 261 асистенција.
