Тиквеш успеа да победи против Брера со 1-0 во третиот натпревар од денешната прволигашка програма. Мечот во Кавадарци почна со значително задоцнување, а се играше под тешки услови, терен кој имаше снежни остатоци.
Стрелец на победничкиот гол за Тиквеш беше Оливер Стоименовски во 71.минута од натпреварот.
Шкупи исто така славеше со 1-0 против Македонија ЃП, со голот на Марио Младеновски постигнат во 66.минута. Мечот меѓу Работнички и Гостивар заврши без голови.
Натпреварите Силекс – Вардар и Струга ТЛ – Воска се одложени за 6. декември.
Вчера, Брегалница и Шкендија ремизираа 2-2.
