Македонскиот прволигаш Тиквеш од денеска се сели на десетдневни подготовки во турскиот туристички центар Анталија каде ќе ја реализира главната фаза од подготовките. Тимот на Влатко Костов се подготвува за вториот дел од шампионатот, а главна мисија на кавадарчани ќе биде да обезбедат опстанок во елитата.
Првиот тест Тиквеш ќе го има утре, кога ќе одигра пријателски натпревар со српскиот прволигаш Партизан, а на 27. јануари е планиран тест и со тим од Узбекистан.
