Ефтим Илиев од Кавадарци е новиот спортски директор на македонскиот второлигаш Тиквеш. Со одлука на УО на ГФК Тиквеш тој едногласно е изгласан за нов спортски директор на кавадаречкиот фудбалски клуб.
Илиев ќе го замени Ванче Шиков кој во зимскиот преоден рок го напушти Тиквеш и се врати во елитата каде ќе го носи дресот на Борец.
Тиквеш има мисија да оствари пласман во прволигашка конкуренција иако по првиот дел од сезоната заостанува бодовно зад лидерот Брегалница во Втората лига Исток.
