Манчестер Јунајтед победи на гостувањето кај Реал Сосиедад) со 0-1, но остана второпласиран во финалниот пласман од групата Е во Лига Европа. Тоа значи дека ќе игра и меч повеќе во разигрувањето за трофејот.
Менаџерот на „црвените ѓаволи“, Ерик Тен Хаг, по победата рече дека неговиот тим направил се што може за да постигне втор гол што можеше да го однесе Јунајтед на врвот на табелата.
„Не секогаш го добивате она што го заслужувате“, изјави Тен Хаг.
И покрај разочарувањето, тој ги забележа позитивните страни во играта на тимот.
„Среќен сум од играта на Гарначо, мислам дека постигна одличен гол. Дони се врати во тимот, имаше и добри можности. Сепак, се разбира дека сме разочарани. Не успеавме да постигнеме втор гол, што ни беше потребен“.
