Менаџерот на Манчестер Јунајтед, Ерик тен Хаг, сериозно размислува да го остави капитенот Хари Мегваер на клупата за дербито против Ливерпул в понеделник. Рафаел Варан и новото засилување Лисандро Мартинез најверојатно ќе стартуваат во срцето на одбраната против „црвените“.
Мегваер стартуваше во двата натпревари од новата сезона, во кои Јунајтед прими вкупно шест гола. Се отвораа големи празнини во одбраната на „црвените ѓаволи“, а очигледно синхронизираноста меѓу Мегваер и Мартинез од една страна и Мегваер и Дало од друга не беше на потребното ниво.
Фудбалерите на Манчестер Јунајтед се под голем притисок да не го загубат дербито против Ливерпул.
