Холандскиот дефанзивец Свен Ботман денеска ќе ги мине лекарските прегледи во Њукасл, пренесува „Скај Спортс“. Тој доаѓа од францускиот Лил, кој за неговите права ќе добие околу 40 милиони евра.
Ботман ќе биде третиот нов играч во Њукасл ова лето. Пред него „чавките“ го доведоа левиот бек Мет Таргет од Астон Вила за 17,5 милиони евра и голманот Ник Поуп од Барнли за 11,5 милиони евра.
Минатата сезона 22-годишниот Ботман одигра 25 натпревари во Лига 1 и постигна три гола. Со Лил има и пет натпревари во Лигата на шампионите.
