Францускиот фудбалер Пол Погба (31) ја доби правната битка пред Судот за спортска арбитража (ЦАС) и неговата четиригодишна суспензија поради позитивен допинг тест е намалена на 18 месеци. Ова значи дека Погба ќе може да се врати на тренинзите на Јувентус веќе од јануари, а од март ќе може и повторно да игра натпревари.
Паричната казна на играчот исто така е отфрлена како дел од одлуката, а тој нема да ги плати ниту судските трошоци.
Погба доби четиригодишна суспензија од фудбалот после допинг тестот кој покажа позитивен резултат на забранета супстанца по натпреварот на Јувентус против Удинезе.
Неговата првична жалба беше одбиена, сепак на второстепено ниво успеа да ја поништи суспензијата пред ЦАС, при што неговата четиригодишна забрана за тренинзи и натпревари е укината и намалена на 18 месеци.
