Судот во Ница го ослободи поранешниот тренер на клубот од овој град, Кристоф Галтие, под обвинение за морално малтретирање и расна дискриминација. На стратегот му се закануваше условна казна од 12 месеци и парична казна од 45.000 евра.
На 30 јуни, радио „RMC Sport“ објави дека тренерот бил задржан 24 часа во Ница како дел од истрагата за случај на расистичка злоупотреба. Причината за ова е мејл од тренерот до поранешниот директор на Ница, Жулиен Фурние, во кој тој изразува неодобрување поради тоа што во тимот има голем број црнци и муслимани.
Во своите сослушувања, Фурние и некои негови блиски го спомнаа гневот на Галтие поради изборот на одредени играчи да не го прекршуваат Рамазан во деновите на натпреварите, како што направија, на пример, играчите муслимани од Лил, со кои ја освои шампионската титула претходната сезона. Тренерот го искористи овој аргумент за „да се обиде да го намали бројот на црнци и муслимани во тимот“.
