Струга Трим Лум оствари убедлив триумф (3-0) против Победа во премиерниот меч од новата сезона во Првата фудбалска лига. Тимот на Срѓан Захариевски беше надмоќен и заслужено стигна до трите бода.
Прилепчани се држеа добро речиси едно полувреме, но буквално пред одмор, по еден брз противнапад Бесарт Ибраими успеа да го отвори резултатот.
Во второто полувреме, Бесарт Ибраими зголеми на 2-0 во 63.минута со одличен удар од работ ба шеснаесетникот.
Конечниот епилог го постави Фатјон Јусуфи во 88.минута, по проигрувањето на Малески.
Утре се играат уште два натпревари, Силекс – Работнички и Академија Пандев – Брегалница.
