Македонскиот првак Струга Трим Лум го одработи официјалниот тренинг на стадионот „Техелне поле“ во Братислава каде утревечер ќе го одигра првиот дуел против Слован во воведното квалификациско коло од Лигата на шампионите.
Капитенот Буњамин Шабани ги предводеше фудбалерите заедно со Бесарт Ибраими и Марјан Радески, но и најголем дел од засилувањата кои пристигнаа ова лето.
Тренерот Ќатип Османи им ги објасни последните детали во пресрет на утрешниот меч, а мотивација да се игра против реномираниот ривал секако не им недостасува.
