Столе Димитриевски во тимот на колото во Ла Лига

Македонскиот репрезентативец Столе Димитриевски е избран во Тимот на 10. коло во Ла Лига. Тој имаше импресивен настап во триумфот на Рајо Ваљекано против Лас Палмас и му одбрани пенал на Мунир Ел Хадади. Успеа да ја сочува мрежата, а неговиот тим славеше со 0-1.

Столе Димитриевски ја има втората најдобра оценка (8.85) во „дрим-тимот“ за ова коло, веднаш зад Антоан Гризман, кој постигна хет-трик за Атлетико Мадрид во триумфот (0-3) против Селта.