Моќната Барселона не е толку моќна, барем ако се суди според стартот на Ла Лига. Столе Димитриевски и Рајо Ваљекано ги сопреа избраниците на Чави и одиграа 0-0.
Македонскиот репрезентативен голман Столе Димитриевски имаше дури осум одбрани и беше прогласен за МВП на мечот.
„Задоволство е да не се прими гол на натпревар против Барселона на „Камп Ноу“. Но, тоа не е изненадување затоа што лани ги победивме овде и токму тао сакавме да го сториме повторно. Знаевме дека ќе доминираат на теренот, но останавме мирни во своето поле и знаевме како да се браниме“, изјави Столе Димитриевски по натпреварот.
