Селта ја победи Валенсија со 3-1 во премиерниот меч од второто коло во Ла Лига. Столе Димитриевски повторно беше на клупата на Валенсија.
Ѓиорѓи Мамардашвили одбрани пенал, меѓутоа „лилјаците“ загубија убедливо на овој дуел.
Валенсија поведе со голот на Диего Лопез во 14.минута, но израмни Мингеза во 23.минута, а само пет минути подоцна Иаго Аспас се погрижи за пресврт.
Мамардашвили во 45.минута му одбрани пенал на Аспас, а во 60.минута Франсиско Белтран постигна прекрасен погодок и го постави конечниот епилог.
