Тимот на Академија Пандев утре (17 часот) го игра реванш мечот против Лехија Гдањск во квалификациите на Конференциската лига на УЕФА. Поразот (1-4) од Полска не дава големи шанси за пласман во следната рунда, но Академија Пандев се надева на победа барем на утрешниот меч.
“Лехија Гдањск е многу силен тим, имаме огромен респект, но се надеваме дека ќе дојдеме до успех на утрешниот натпревар. Имаме проблеми со повреди, нема да играат Марко Ѓорѓиевски, Коста Манев и Бојан Димоски, но се надеваме дека ќе го надоместиме тоа со тимски дух”, изјави тренерот на Академија Пандев, Ѓорѓе Стојчев.
Мечот е закажан за утре, со почеток во 17 часот, на комплексот на ФФМ.
