Стефано Пиоли е нов тренер на Ал-Итихад

Ал-Итихад е новиот клуб на Стефано Пиоли, досегашниот тренер на Милан. Тој ја прифати понудата на клубот од Саудиска Арабија и потпиша тригодишен договор.

Пиоли доаѓа на местото на Марсело Галјардо. За него ова ќе биде прв клуб надвор од Италија. Во последните пет години беше на чело на Милан. Претходно ги водеше Палермо, Киево, Интер, Болоња и Фиорентина.

Ал-Итихад сака да ги предизвика Ал-Хилал и Ал-Наср во новата сезона по разочарувачките резултати во минатиот шампионат.