Стадионот на Баерн ќе го носи името на Герд Милер?

Најтрофејниот германски клуб Баерн Минхен го загуби „кралот на стрелците“ Герд Милер, кој почина вчера во 75-тата година од животот по долго боледување. Еден од најдобрите напаѓачи во историјата на фудбалската игра остави траен белег во развојот на Баерн Минхен, но и на германската фудбалска репрезентација.

Клубот испиша порака „Благодариме Герд“, на стадионот „Алијанц арена“, кој во иднина би можел и да го носи името на Герд Милер. Раководството на Баерн Минхен ќе разговара со спонзорот и ќе предложи стадионот во иднина да го носи името на големиот голгетер.