Тренерот на Наполи, Лучијано Спалети, остана оптимист и покрај изненадувачкото реми 1-1 со Салернитана што ги спречи „наполитанците“ да ја запечатат титулата во Серија А изминатиов викенд.
Според него, ова само ќе го продолжи прославувањето на навивачите околу очекуваното освојување на „скудетото“, кое би можело да се случи веќе кон средината на следната недела.
„Секако дека момците се толку разочарани што не можеа да ја израдуваат извонредната толпа. Сепак, веќе некое време чувствуваме дека овие бодови се најтешко да се освојат на ментален план. Салернитана беа организирани и во дефанзива, што уште повеќе ни ја отежна задачата. Бевме и малку наивни при примениот гол. Сакавме да постигнеме победнички гол за да ги израдуваме навивачите. За мене, сепак, ова чекање само го продолжува задоволството, бидејќи не се чувствувам непријатно што сум на врвот на табелата. Само што прославите ќе траат уште малку бидејќи убеден сум дека ќе ги земеме тие два бода. Уште поголемо задоволство ми е да гледам како луѓето слават, затоа што ја чувствуваме нивната љубов јасно и гласно. Ние го претставуваме нивниот сон и сакаме тие силно да го почувствуваат тоа“, изјави Лучијано Спалети.
