Новиот селектор на Италија, Лучијано Спалети, ја забележа првата победа на чело на „сквадра аѕура“. Италијанците славеа со 2-1 против Украина во Милано, откако претходно ремизираа со Македонија во Скопје.
„Мораме да бидеме задоволни. Не можеме постојано да притискаме и да не дозволиме ниту еден центаршут. На противникот му дозволивме само една или две шанси. Тимот покажа добар фудбал и добро стоевме на теренот. Да не бараме премногу бидејќи тоа не е фер“, изјави Лучијано Спалети.
Италија има седум бода на табелата, исто како и Украина и Македонија.
