Тренерот на Наполи, Лучијано Спалети е среќен по најновиот успехот (4:2) против Ајакс и пласманот на неговиот тим во осминафиналето во Лигата на шампионите. Тој ги пофали своите играчи и рече дека имал среќа да работи со нив.
„Во вакви ноќи едноставно може да се понесете од атмосферата. Во еден момент имав вртоглавица и мислев дека ќе почнам да гледам ѕвезди. Нашиот напредок зависи од играчите и среќен сум што работам со ваков тим. Целиот град се гордее со нив. Навивачите ни ја даваат потребната мотивација“, изјави Спалети.
Тренерот имаше интересно објаснување за спектакуларните победи што неговиот тим ги постигна од стартот на сезоната.
„Системите веќе не постојат во фудбалот. Се работи за просторот што го оставате за противникот и како успевате да ги искористите за да го зададете вашиот удар. Мора да бидете брзи и да имате храброст дури и кога сте под притисок. Ние тоа го правиме одлично оваа сезона“, истакна стратегот на Наполи.
