Лучијано Спалети, екс тренерот на Елиф Елмас во Наполи сега е нов селектор на фудбалската репрезентација на Италија. Ќе дебитира утре, против Македонија во Скопје.
„Елмас ми е како син. Утре ќе го прегрнам, ќе има многу емоции. Сметав секогаш на него кога беше најтешко. Утре секако дека секој ќе сака да победи за себе“, изјави Спалети на прес – конференцијата.
„Ќе се обидеме да бидеме тим, со тимски дух да го одиграме натпреварот против Македонија. Сакам да бидеме креативни, да играме квалитетен фудбал и да ги направиме сите Италијанци емотивни. Мора да се потрудиме максимално да ги санираме раните што ги има италијанскиот фудбал“, изјави Спалети.
